يسپانيانىڭ «رەال مادريد» كلۋبىنىڭ باس جاتتىقتىرۋشىسى زينەدين زيدان ماۋسىم اياقتالعان سوڭ كومانداداعى سەگىز فۋتبولشىنى ساتۋعا دايىن ەكەنىن ايتتى.
بىرقاتار يسپان باسىلىمدارىنىڭ جازۋىنشا, فرانتسيالىق جاتتىقتىرۋشى جاز مەزگىلىندە كەيلور ناۆاس, تەو ەرناندەس, اشراف حاكيمي, ماركوس لورەنتە, داني سەبالوس, ماتەو كوۆاچيچ, گارەت بەيل جانە بورحا مايورالداردى ترانسفەرگە شىعارۋعا ق ۇلىقتى كورىنەدى. ايتا كەتەيىك, بۇعان دەيىن باق بەتتەرىندە يسكو «مانچەستەر سيتيگە», رونالدۋ بولسا «مانچەستەر يۋنايتەد» كومانداسىنا بارۋى مۇمكىن دەگەن اقپارات تاراعان بولاتىن.
حابيب پەن فەرگيۋسون كەزدەسۋى وتپەيتىن بولدىUFC-ءدىڭ جەڭىل سالماقتاعى ۋاقىتشا الەم چەمپيونى توني فەرگيۋسون مەن رەسەيلىك حابيب نۋرماگومەدوۆ اراسىنداعى جەكپە-جەك وسىمەن ءتورتىنشى رەت كەيىنگە قالدىرىلدى.
2015 جىلى حابيب جاتتىعۋ بارىسىندا جاراقات الىپ, ايقاستى كەيىنگە شەگەرگەن. ال 2016 جىلى ءتونيدىڭ جاراقاتىنا بايلانىستى جەكپە-جەك وتپەي قالدى. 2017 جىلى ەكى سپورتشى قايتا كەزدەسەتىن بولىپ كەلىسىلگەن. الايدا حابيب جەكپە-جەككە از ۋاقىت قالعاندا سالماق قۋامىن دەپ اۋرۋحانادان ءبىر-اق شىقتى. بيىلعى كەزەك تونيعا قايتا كەلدى.
«بۇل جولى ەش اقتالعىم كەلمەيدى. بارلىق جانكۇيەردەن, UFC وكىلدەرىنەن, حابيبتەن جانە جاتتىقتىرۋشىلارىم مەن سەرىكتەستەرىمنەن كەشىرىم سۇرايمىن. ءبىزدى نە قىرسىق شالعانىن بىلمەيمىن, بىراق ءتۇبى جاقسى بولاتىنىنا سەنىمدىمىن», دەيدى.
لۋكاس پەن پاكياو مالايزيادا ايقاسادىارگەنتينالىق بوكسشى لۋكاس ماتتيسسەنىڭ (39-4, 36 كو) پروموۋتەرى وسكار دە لا حويا (Golden Boy Promotions) 14 شىلدەدە ماتتيسسە مەن فيليپپيندىك اڭىز بوكسشى مەنني پاكياو (59-7-2, 38 كو) مالايزيادا WBA بەلدىگى ءۇشىن جەكپە-جەك وتكىزەتىنىن حابارلادى.
بۇل اقپاراتتى پاكياونىڭ ءوزى دە راستادى: «جەكپە-جەكتى ۇيىمداستىرۋ ءۇشىن كەلىسسوز قيىنعا سوققان جوق. لۋكاس ماتتيسسەگە قارسى كەزدەسۋگە شىعىپ, الەم چەمپيونى اتاعىن يەلەنگەنشە اسىقپىن. سونداي-اق پاكياو ۇلكەن بوكسقا قايتا ورالعانىن ايتقىم كەلەدى». پاكياونىڭ كەڭەسشىسى مايكل كونچتىڭ ايتۋىنشا, فيليپپيندىك بوكسشىنى ماتتيسسەگە قارسى جەكپە-جەككە فرەددي روۋچ دايىندامايدى. «بۇل پاكياونىڭ شەشىمى. ول ماعان الداعى ايقاسقا بۋبوي فەرناندەس باپتايتىنىن ايتتى».
قاقپادا – بۋحگالتەركاسىبي سپورتقا 30-دان اسقان شاعىندا كەلۋ اركىمنىڭ قولىنان كەلە بەرمەيتىن ءىس. الايدا اقش-تا 36 جاستاعى ازامات ونىڭ دا مۇمكىن ەكەنىن كورسەتتى. بۇگىنگە دەيىن بۋحگالتەر قىزمەتىن اتقارىپ كەلگەن سكوتت فوستەر ۇلتتىق حوككەي ليگاسىندا «چيكاگو بلەكحوكس» – «ۆيننيپەگ دجەتس» ويىنىندا مۇز ايدىنعا شىعىپ, كەزدەسۋدىڭ باستى قاھارمانىنا اينالدى.
«بلەكحوكستىڭ» نەگىزگى قاقپاشىسى انتون فورسبەرگ ماتچ الدىنداعى دايىندىقتا جاراقات الىپ قالسا, كوللين دەللي كەزدەسۋدىڭ ءۇشىنشى كەزەڭىندە ويىندى جالعاستىرا المايتىنىن ايتقان. ءسويتىپ كوماندانىڭ ءۇشىنشى قاقپاشىسى سكوتت فوستەر ايدىنعا شىعىپ, 14 مينۋت وتكىزدى. ءبىر قىزىعى, ول قاقپاعا باعىتتالعان جەتى سوققىنىڭ جەتەۋىن دە قايتارا بىلگەن. ناتيجەسىندە, فوستەر ۇلتتىق حوككەي ليگاسىنىڭ سول كۇنگى ۇزدىك ويىنشىسى اتاندى. «كوماندا جەيدەسىن كيىپ وتىرعانىمدا نە قويىپ, نە ىستەپ وتىرعانىمدى تۇسىنبەدىم. ودان كەيىنگىسى ەسىمدە جوق. حوككەي ويىنىندا قاقپاشى بولۋ ارمانىم ەدى, مىنە ارمانىم ورىندالدى. ەندى بۇل تۋرالى دوستارىما, وتباسىما ماقتانىشپەن ايتا الامىن. نەگىزى مەن بۋحگالتەرمىن. ويىن باستالاردان ءبىر-ەكى ساعات بۇرىن كەڭسەدە كومپيۋتەرىمنىڭ الدىندا جۇمىس ىستەپ وتىرعانمىن», دەيدى فوستەر. كەزدەسۋدە «چيكاگو بلەكحوكس» 6:2 ەسەبىمەن جەڭىسكە جەتتى.
دايىنداعان ءالي بيتورە, «ەگەمەن قازاقستان»